唐英年被批不知民間疾苦

lwl2007

【本報訊】疑似特首候選人唐英年昨日「深入虎穴」，出席香港社會服務聯會舉辦的社會發展論壇，與百多名社工、基層團體代表及社福服務使用者對話，面對大量請願橫額、抗議口號及尖銳提問，揶揄其「車毀人亡」論、不知民間疾苦甚至私生子緋聞等，唐英年雖未有再失言，但亦鮮有正面回答與會者問題，被批評「耍官腔」及不明白社福界真正需要。 唐英年昨於開場白羅列大堆現屆政府支持社福發展的數據，又指社會有許多不同訴求，資源分配難免有爭議，社聯執委孫先生隨即反駁，有關說法令人覺得政府只講成本，與社福界「以人為本」理念相違背，質疑唐英年不重視社福服務。 其後，唐英年又自爆早前探訪東涌一個有殘疾人士、長者及兩名在學兒童的家庭，跟他們一同到街市，了解一家五口如何用三十元買餸。有與會者反問：「你明咗啲咩？前司長你真係好應該諗一諗，佢咁買餸係咪應該？如果你用二千蚊一個月分衣、食、行用仲生存到，我就會信你明基層生活有幾辛苦。」 婚外情亦成揶揄重點 唐英年的「車毀人亡」論和婚外情，亦成為與會者的揶揄重點，一名婦女問唐︰「我個仔令十六歲女仔懷孕係唔係缺德？」另一人則指如下屆政府仍拒絕推行全民退休保障，香港便真的會「車毀人亡」。 另一疑似特首候選人梁振英在一個月前亦曾出席同一論壇，當時曾反對領匯上市而入稟的盧少蘭要求梁一定要「轟轟烈烈」搞好全民退休保障，並力撐梁不要被勸退。盧婆婆昨日亦有現身，警告唐英年如當上特首，便要「醒醒定定」，不要像曾蔭權般對全民退保問題「左閃右避」。 唐英年會後被問及會否公開最初加入政府時的品格審查記錄，唐「口窒窒」地指基於私隱理由不應公開，強調自己當時已通過了品格審查。 唐英年出席社會活動部分精彩對答問：與會者提問　   答：唐英年回應 問：你一開頭講政府開支教育佔百分之二十四，社福佔百分之十七，社福界以人為本，你講嘅為成本……社福界似乎唔得你重視。 答：政府對社福投資冇減少，對社福嘅投資一路有新項目同優化。 問：你跟東涌居民買餸，你明咗啲咩？如果你二千蚊一個月分衣、食、行用仲生存到，我就信你明基層有幾辛苦。 答：我喺政府多年，亦做過行會，有一定認識，會繼續多聽多睇多了解。 問：你門面嘢可以繼續做，全民退休保障唔做就車毀人亡；如果你有機會做特首，就醒醒目目、醒醒定定搞全民退休保障……唔好學曾蔭權左閃右閃。 答：今日好多長者生活環境未達有尊嚴生活，九十年代推出跨代退保計劃諮詢，當時敗北，反對聲音大，依家大家係咪要做？ 問：你會唔會關注青少年性問題？如果我個仔令十六歲少女懷孕，算唔算缺德？我鬧佢剛愎自用、車毀人亡，算唔算缺德？ 答：青少年對科學、對互聯網、對性好奇，對生活好奇係好事，係應有嘅熱誠，應有嘅熱心，咁先會尋求新嘅領域、新嘅知識。                                                                                                                                          唐英年出席社聯論壇與百多名社福界人士對話，面對大批尖銳提問。