統計處知衰普查改孖咇

lwl2007

雖然政府統計處已否認有人口普查統計員被強姦的傳聞，但統計員的人身安全仍然備受關注，統計處在輿論壓力及再有統計員被狗咬傷的情況下，昨日起全面實施雙人入屋訪問。不過，有統計員在網上討論區大吐苦水，力數統計處四宗罪——裝備不足、訓練不足、無夥伴照應及工作站主任縮骨。

人口普查的面談訪問階段已於七月十六日展開，統計處處長馮興宏聲稱，人口普查的外勤工作至今進度理想，首輪造訪住戶的工作接近完成，統計員將繼續造訪其他住戶，並跟進尚未成功接觸的住戶。

馮興宏表示，統計處理解到社會大眾十分關注統計員的人身安全，加上外勤工作進度理想，所以昨日起安排所有統計員由以往只在部分地方實施雙人入屋訪問，改為全面實施。他指新安排可進一步保障統計員人身安全，但不會影響人口普查進度。馮興宏亦呼籲：「理解不少住戶都有養貓、狗等寵物，鑑於有統計員受狗隻驚嚇及咬傷，希望各住戶在統計員到訪時，能妥善看管其寵物。這有助統計員順利完成訪問，避免發生意外。」

十寶唔係無用就唔夠用

但在高登討論區，統計員「逍遙大俠」大吐苦水：「統計處所講嘅十寶，唔係無用就唔夠用。驅狗器得幾個，但一隊有十四人；手電筒更加無用，是但一部電話嘅補光燈都有用過佢；警報器嘅聲，自己嗌救命都比佢有用；地圖嘅比例唔係太大就係太細，根本用唔着。」

「逍遙大俠」續稱：「訓練內容絕大多數係睇片，而所謂危急訓練更加係無，只係叫你小心安全，更加無講過遇到狗隻、迷路時應該點做。做市區所講嘅夥伴照應已經係最好，可能會有兩、三個統計員做同一幢大廈，但絕少機會做同一層；做村屋嘅更加形同虛設，夥伴做嘅地區可以隔幾百米，甚至隔一座山，咁有咩用？」

「逍遙大俠」又批評工作站主任縮骨：「我做個工作站有統計員受傷要去醫院，主任第一時間竟然要求佢換制服先，連醫藥費都要自己畀。」統計處回應說，若員工作期間受傷，可獲免費醫療並按僱員補償條例賠償。

                                                                                                                                            
統計處昨起全面實施統計員雙人入屋訪問，進一步保障人身安全。