龔仁心信惡人有惡報

lwl2007

陳振聰在千億遺產爭奪戰中一敗塗地，華懋慈善基金龔家一方則迅即全家總動員高調開祝捷記者會，席間不但開香檳，晚上更筵開八席。華懋慈善基金主席龔仁心全日喜形於色，直指「天地有正氣」係「真理嚟，唔會錯」。他希望盡快將該筆千億元遺產由臨時遺產管理人名下轉入基金，又指基金必定會「跨出香港」，「為國家、為全中華民族做嘢」，但指有些人「枱面有一套、枱底有一套」，警告他們不要「出啲古靈精怪招數節外生枝」，妨礙基金運作。

華懋一方昨午三時舉行歷時約半句鐘的記者會，龔仁心與妻子劉元春、兩名兒子、小甜甜的胞妹中心、因心及多名華懋重臣均有現身。龔仁心全程表現輕鬆，先感謝全港市民、全世界華人及中港政府支持，否則「呢四年過唔到」。

盼不要再生枝節

龔仁心坦言贏官司只是下一階段的開始，即要永遠延續基金的工作，意義更重要。他保守估計龔如心的遺產有約五、六百億元，未來挑戰是平穩地把遺產轉至慈善基金，之後包括港澳台在內，「對中華民族有好處嘅嘢一定做」，又表示有信心，「我唔可以講滿分、一百分，最少攞合格都要！」


龔仁心又冀華懋「愈做愈大」令基金有更多資金動用，過程中望不要有人「出啲古靈精怪招數節外生枝」，又稱「有啲人借住一啲法庭嘅身份……做唔係咁正大光明嘅嘢」，又稱幾日前開會，有些事表面看對公司有利，但真正目的是「為咗排除我同太太喺公司管理層之外」，冀手法「到此為止」。他之後補充這些都是公司外的人，「公司入面冇呢啲人」。


對於陳振聰，龔仁心直言「一個人正大光明做嘢比較好……唔係自己就唔係自己」，否則「遲早都會有報應」，「善有善報、惡有惡報，唔係唔報，時辰未到」，他不評論偽造遺囑案，但指作為市民希望對「不法之徒」有公正、公平結果。


小甜甜「响上面拍緊手」

龔形容「呢幾年我哋真係好辛苦」，最終守住姐姐遺產，他高舉雙手食指向天指，稱相信如心「喺上面睇緊」，「我估佢响上面拍緊雙手」，說着他亦拍手，並獲全場鼓掌響應。


華懋一方晚上又在荃灣如心海景酒店筵開八席，狂開紅酒慶祝，主家席二十四座，富商趙世曾及其女兒趙式芝亦是座上賓客之一。龔仁心表現風騷，送趙世曾離去時對記者指對方是老友，「我哋嘅事就係佢嘅事，今日我哋好高興，佢都好高興」，又對傳媒甚為友善，讓記者入場拍照，期間更手舞足蹈狂呼，興奮心情表露無遺。


華懋代表律師何文基在記者會後補充，仁心指遺產總額五、六百億是粗略估計，總數不排除有逾千億，他又指基金理事會五名成員包括仁心、中心、因心及兩名華懋董事梁榮江及陳鑑波。另外，海峽兩岸十個機構包括中國紅十字會及幾個省級政府部門，今日在報章刊登全版廣告，以天地有正氣為題恭賀華懋慈善基金終極勝訴。

                                                                                                                                        
龔家舉家出席記者會開香檳慶祝；前排左起：仁心次子太太陳金鳳、次子龔皓、長子龔飈、妻子劉元春、龔仁心、梁榮江、龔中心、龔因心及何文基。


                                                                                                    
龔如心（前排左一）生前與家人合照。


                                                                                                    
陳振聰早前承認有一私生女倫培珍（右二）。


                                                                                                    
龔仁心相信姊姊龔如心「喺上面拍緊雙手」。