小花俠論壇 - Powered by Discuz! Board

標題: 李鵬飛：政府食咗弗得罵曾班子「講得出做唔到」　建制派變鵪鶉 [打印本頁]

作者: 風之痕 時間: 2011-8-1 11:04 標題: 李鵬飛：政府食咗弗得罵曾班子「講得出做唔到」　建制派變鵪鶉

港澳辦主任王光亞早前狠批本港公務員不懂長遠規劃，激起社會強烈迴響。前全國人大代表李鵬飛昨於《城市論壇》論盡香港政壇之不濟，大罵曾班子自財政預算案後像「食咗弗得」，政策搖擺不定；特首曾蔭權在落實普選上「講得出做唔到」；建制派就變鵪鶉。他更暗批某疑似特首候選人「為選特首，乜都做得出」。

李鵬飛昨在《城市論壇》上指出，政府原在預算案公佈向市民強積金戶口注資6,000元，堅持無讓步空間，飽受批評後卻瞬即轉軚，宣佈向成年市民直接派錢，威信蕩然無存，「食咗弗得咁」。對於建制派，李鵬飛諷刺他們在財政司司長曾俊華公佈派錢時紛紛站到財爺身後領功，當政府遲遲未落實派錢，又全變「鵪鶉」不敢作聲。

「行會成員當特首冇到」

在替補機制問題上，李鵬飛指，建制派由最初「舉腳支持」到多番轉軚，全因政府搖擺不定。對於政制及內地事務局局長林瑞麟因不想背負惡名，在公眾場合聲稱自己是公務員，李鵬飛諷刺他：「係就拎公務員人工啦，仲拎D8級人工，分明想話自己只係執行者，難怪王光亞會咁講。」李鵬飛又指，民主黨就政改問題直接與中聯辦談判，重創曾蔭權管治，「唔係話民主黨唔啱，但係何俊仁出嚟嗰陣時話煲呔真係廢廢哋……你做成咁嘅情形，香港仲係咪港人治港，大家心中有數」。曾蔭權前日出席公開活動大談領袖之道，包括「講得出做得到」及有團隊支持。李鵬飛批評，曾蔭權承諾任期內落實普選，現在卻做不到，行政會議成員又似乎「當佢冇到」，難言團隊支持。李鵬飛認為，香港政府管治能力削弱，特首曾蔭權須負上責任，但本港公務員是優秀團隊，毋須因王光亞批評而洩氣；現時香港長遠規劃面對的最大問題是源自政制，政府在議會無選票，推行政策相當困難。

公務員被指欠戰略規劃

出席同一論壇的高級公務員協會主席蘇平治認為，本港公務員團隊並非沒有規劃能力，問題在於推廣長遠規劃，尤其涉及敏感話題時，往往不能獲立法會及市民支持，結果只顧應付市民需求不斷「救火」。他又認為王光亞的言論不會影響公務員士氣。嶺南大學公共管治研究部主任李彭廣表示，本港公務員只有措施及政策層次的規劃，缺乏戰略層面的長遠規劃，本港要檢討公務員角色，並培訓政治領袖人才，方能解決特區管治問題。

李鵬飛語錄

批政府︰好似食咗「弗得」批特首︰講得出做唔到，普選影都冇，行政會議成員個個當佢冇到批林瑞麟︰係精仔，為咗避免自己要孭飛，居然喺公眾場合話自己係公務員批建制派︰一話派錢就企晒喺財爺後面領功，到??家就全部變鵪鶉批民主黨︰政改問題同中聯辦談判，唔係話民主黨唔啱，但係何俊仁出嚟仲話煲呔真係廢廢哋……你造成咁嘅情形，香港仲係咪港人治港，大家心中有數批某疑似特首候選人︰有人為咗選特首，乜都做得出

資料來源︰城市論壇

李鵬飛批評，香港政府如「食咗弗得」，管治能力削弱，曾蔭權責無旁貸。

歡迎光臨小花俠論壇 (http://disanna.com./)