標題: 大孖跳橋 細孖斷腸 [打印本頁]

---

作者: lwl2007    時間: 2012-1-12 21:00     標題: 大孖跳橋 細孖斷腸

「你爭氣啲啦！」一句勸勉說話反變成催命咒。一對姊妹情深孖女，昨凌晨參加完好友生日派對後，乘的士擬返元朗寓所，途經荔枝角昂船洲大橋時，細孖因大孖失業又生活糜爛，遂好言相勸，着她積極搵工，惟忠言逆耳，反觸怒大孖神經遭掌摑及扯頭髮，細孖不忿被毆報警求助，大孖情緒失控，司機見狀將車停在大橋路肩，豈料大孖迅速打開車門，攀越欄杆躍下三十米橋底，粉身碎骨慘死，細孖制止不及，悲慟痛哭說：「如果佢冇死到，乜嘢都可以畀晒佢。」

跳橋喪生的大孖招可雪（二十五歲），洋名Emily，原本任職設計行業，最近失業；細孖招可盈，洋名Choco。前晚吳姓女友人在尖沙咀金馬倫道一間酒吧開生日派對，招氏姊妹花應邀出席，至昨日凌晨五時許，兩姊妹盡興後同乘的士返回元朗日新街寓所，當時兩人均有點酒意。

忠言逆耳 扯頭髮掌摑

兩姊妹登車不久，即因家庭問題發生爭執，期間細孖更提及大孖已失業多時，又經常扶醉回家，勸她積極搵工：「你爭氣啲啦！」大孖疑對妹妹說話極度反感，認為被針對，情緒失控，扯細孖的頭髮及掌摑，細孖致電報警，大孖聞言更加激動，喝罵：「你係咪報警，你老母細個時打到我成身傷晒。」


的士沿三號幹線駛入昂船洲大橋支路時，姓陳的士司機眼見兩姊妹吵個不停，遂將的士停於路邊圖做和事老，豈料甫停車，司機仍未解開安全帶，大孖已經開車門衝落車，攀過天橋邊一米高圍欄，飛躍跌落三十米下、接近荔寶路天橋底草地。細孖睹狀激動痛哭，司機立即致電報警。


細孖自責：乜都可以畀佢

細孖見消防員遲遲未到場拯救，顯得十分焦急：「點解咁耐都冇人嚟呀！」更一度欲爬上圍欄，幸被司機及時拉住。救護員趕抵現場時，發現身穿紅色上衣、黑短裙及白絲襪的大孖已無知覺，立即將她送往醫院搶救，惜抵院後證實不治，細孖獲悉噩耗，不斷自責「如果佢冇死到，乜嘢都可以畀晒佢」。其後，招父與長女接報趕往醫院了解。


有女親友好言安慰細孖，「佢嘅死唔關你事，唔好怪自己啦」，但因其情緒久久未平復，須要留院接受觀察。警方調查後，相信大孖因家事和工作問題自尋短見，案件無可疑。
                                                                                                                                         
大孖（右一）在生日會與細孖（右二）及友人的合照成「絕影」。


                                                                                                    
跳橋大孖送抵醫院時雙眼仍睜開。


                                                                                                    
跳橋示意圖
孖生姊妹參加完朋友生日派對，乘的士回家途中爭拗。大孖趁的士停在路邊，跨過大橋圍欄跳下。


                                                                                                    
大孖由三十米高墮地，魂斷橋底。

---

歡迎光臨 小花俠論壇 (http://disanna.com./)

Powered by Discuz! 7.2