標題:
十 五 種 職 業 禁 忌
[打印本頁]
作者:
Priscilla
時間:
2011-11-8 15:20
標題:
十 五 種 職 業 禁 忌
棺材鋪:
開棺材鋪就梗係唔老禮,最緊要的既兩個禁忌,就係:
1)一定要係日落之前收工,廢時d遊魂野鬼走入黎啦。
2)一定唔可以貪得意訓棺材,生人訓死棺,你地話又幾唔老禮,俾錢 都唔制。
記者:
通常d意外的人通常都血跡斑斑,面目全非架啦.
聽講話記者去到意外現場,千其唔可以講好核突呀,對死者或意外者不敬的說話 , 如果唔係佢地真係會跟住你。
空姐:
以前的空姐通常都會養龜,寓意『歸』來的意思,因為好多時佢地身在外地,客死異鄉就唔好啦。
理髮鋪:
中國傳統,鏡不祥也.
所以舊的理髮鋪收工之前,都會將毛巾蓋住哂所有o既鏡先會收鋪,就係廢時俾d鬼走入去。
警察:
我諗好多人都聽過喇,就係無論點都好,晚上行必,千其唔可以除帽。
所以你地睇佢地追賊都係按住頂帽去追o架。
點解關頂帽事
聽講話帽頂頂花,好大殺氣,無鬼夠膽攪你。
仲有就係係凶殺案現場,都會莊住香先。
等被害的『人』幫手,等佢快d尋冤得雪。
演員:
如果演員要拍死的戲, 拍完之後就一定要囉利是.
囉的時候導演仲要同你講:『做戲o既o者』 廢時d鬼信以為真,咁你就大件事啦.
導遊:
帶團通常最多時間同團友一齊既時間, 就係係架巴士度。
係巴士度,導遊就梗係吹下水,唱下歌,講下鬼古。
但聽講話如果去緊一間酒店的話,
就唔可以講果間酒店的鬼古。
因為d酒店閑閑地幾百年歷史,
覺得你對佢不敬就唔好啦。
搭棚:
原來搭棚的竹,分新竹同舊竹。
所有臨搭棚的竹,都要莊香拜過1日1夜先可以上棚。
如果唔係就好容易會有意外咁話。
巴士司機:
好似係車廠出車之前,響一次大『安』,目的都係叫d朋友仔落車,俾d晨光第一線照親就唔好啦。
救生員:
老一輩o既救生員,都覺得有人遇難,除左泳術唔掂之外,都會覺得係水鬼作怪。
如果佢地救左一個人上水,就算真係無左氣都好,
都要係佢地耳邊不停講:『你未死架,你都未斷氣,快d醒番』之類的說話,目的就係想等d水鬼信以為真,離開遇難者, 咁佢地就可能會救得番。
騎師:
騎師o既禁忌呢, 就係騎師裝束上任何一樣野都唔可以『掛』, 尤其係對掛皮靴.
掛靴即係退休,離開馬場也。
聽講話幾年前有個好出名的騎師唔信邪,掛左對靴,之後一落埸隻馬突然癲o左, 個騎師跌左落馬,斷左條大骨,從此係馬場上拜拜。
仵作:
每當d人死左,都有人黎收拾條『鹹魚』架,仵工,就係果d咁偉大的人。
地仲有一樣野做,就係將d舊『鹹魚』係棺木度囉起上黎,削骨去肉,之後去入金塔或者入火化,再放係骨灰堂恭放。
咁敏感的行業,小禁忌講三日都講唔哂,咁我不如講個最緊要的禁忌俾大家聽。
就係無論點都好,唔可以唔見左『人地』身體的任何一塊骨,如果唔係就會得到同樣的報復。
我個朋友話,有個仵工唔小心唔見左『人地』個下巴, 又唔向『人地』講個對不起.之後一個星期發生交通意外,成個身一個傷口都無,剩係撞甩左成個下巴,你地話得唔得人驚
我聽到心都寒哂.
黃大仙解籤佬:
黃大仙解籤佬o既禁忌,就係唔可以講大話.
就算有個病到半死的人,求到健康的下下籤,
都一定要講出真相,依籤直說.
如果唔係就會應驗係自己度
聽落我覺得似係專業操守,多過係禁忌。
漁民:
十個漁民十個都信天後,希望風條雨順。
初一十五食齋呀,依d我諗個個都會知。
但係佢地有一個禁忌,就係如果捉到一種叫做『車輪魚』的魚,
一定要掉番落海放生.聽講話捉到都已經會行衰運.如果唔信邪,分分鐘連命都無。
所以係街市,大家從來都未聽過依種叫『車輪魚』o既魚,就係咁解喇。
的士司機:
佢地的禁忌就係唔想駕入掘頭路,
驚有入無出,好容易掉頭的時間見到汙漕野。
之不過好多司機,驚無貼士,已經唔會再信乜野禁忌
歡迎光臨 小花俠論壇 (http://disanna.com./)
Powered by Discuz! 7.2