標題: 曾蔭權終認衰卸責前朝 [打印本頁]

---

作者: lwl2007    時間: 2011-10-9 13:00     標題: 曾蔭權終認衰卸責前朝

香港在曾蔭權管治的「蔭權七年」下，樓市泡沫化、貧富懸殊加劇、政治及社會矛盾激化，曾蔭權在發表任內最後一份施政報告前夕，終於首度公開認衰，但僅認在房屋政策上有缺失，並企圖將責任歸咎前朝，指上屆政府在九七金融風暴後反應過敏，中斷土地供應及儲備，才令樓市泡沫形成，又自詡民望跌至只得四十多分也算「相當唔錯」。議員狠批曾蔭權並非真心悔過、無恥兼卸膊。

餘下不足九個月任期的曾蔭權，昨以錄音訪問方式在電台總結其任內施政，沒有回答聽眾問題。他在訪問中死撐自○七年他連任特首以來，香港在「民生、經濟和政治都有顯著進步」，僅承認房屋是引發民怨的最大問題，「我哋有啲嘢失誤嘅，老實講」。

「不能要求人人都同情你」

不過，曾蔭權隨即又將現屆政府的房屋政策失誤，曲解為上屆政府遺留下來的問題，指九七金融風暴後樓市泡沫爆破，「當時房地產跌超過百分之六十六，負資產好多，整個市場、政府同商界反應過劇都未定，冇諗過整個市場復甦得咁快」，批評政府當時「停止做一切嘅嘢」，包括在生產土地、土地儲備等「做唔夠工夫，係做得唔妥當」，始令樓市泡沫重新形成。

即使明白房屋問題是民怨的根源，曾蔭權仍然拒絕表明會在施政報告宣布復建居屋，只說已經聽取市民及立法會議員意見，但強調房屋政策不可朝令夕改，要詳細考慮才能令將來的樓價及地價穩定。他又指本港土地供應涉多方面因素，如樓宇密度、能否興建屏風樓、是否涉及綠化土地等，認為「由有地到啲樓落成要七、八年，唔爭在多幾個月諗清楚」。

對於自己的民望評分由上任初期的高達七十多分，不斷下瀉至近年長期維持在四十多分的不合格水平，曾揚言「視民望如浮雲」、「愛香港與愛民望兩難全」的曾蔭權再次發表謬論，推說香港是個民主、開放和多元的社會，「不能夠要求人人都同情你」，「經過七年嘅洗禮，仲有四十幾分已經相當唔錯」，死撐會為港人做事到最後一分一秒，即使民望不再回升也會「捱過去」。

做政務司司長時停建居屋

立法會議員李永達直斥曾蔭權推卸責任：「由佢做財政司司長、政務司司長以至特首，啲政策都喺佢手，佢做政務司司長時停咗居屋，土地儲備又取消，勾地表政策都係佢發明，佢睇唔到土地儲備重要性，係好大失誤，肯定係佢錯晒。」又指現時地產商都同意應復建居屋，如曾蔭權堅拒復建，便「仲衰過地產商」。

職工盟立法會議員李卓人揶揄曾蔭權「阿Q」：「七年四十幾分相當唔錯？即係唔攞零蛋就好好呀？佢咁講係教壞學生啫！」

                                                                                                                                      
曾蔭權民望近年跌至約四十分的不合格水平，他竟說已經「相當唔錯」。


                                                                                                    
曾蔭權表現差劣，又不知民間疾苦，遭示威團體怒掟「粟米斑腩飯」。


                                                                                                    
李小姐（文職）
佢應該唔知自己講緊乜，搞退休保障如果連佢都無辦法嘅，仲有邊個有辦法呢？


                                                                                                    
伍小姐（學生）
如果佢真係咁講（民望四十分已唔錯），咁佢對民望嘅要求就真係太低，佢喺任內七年樣樣嘢都做得唔好。


                                                                                                    
楊先生（文員）
高樓價係政府一手搞出嚟，佢話房屋問題唔關佢事？如果佢唔係特首咁就梗係唔關佢事啦！

---

歡迎光臨 小花俠論壇 (http://disanna.com./)

Powered by Discuz! 7.2