【巴西狂迷觀戰手記】巴西逆境贏波冇得彈

chan200308

等了4年，沒有了球迷熟識的卡卡，朗拿甸奴及羅賓奴的巴西已經改朝換代，巴西最終逆境下獲勝，上了寶貴的一課。

球迷或者都意料不到世界盃揭幕戰會由一球烏龍波開始，幸好尼馬（Neymar）又能以一球「似撻非撻」的左腳抽射追平，不過要巴西先踢逆境波又並非壞事，有時即使你有天時地利人和，又或者全隊粒粒皆星，臨場發揮才是真正較量。經此一役，巴西經歷落後反勝，信心大增。

克羅地亞攻勢不算多，射手文迪蘇傑（Mandzukic）要等到第3場分組賽先出可落場，但勝在防守質素搭夠，中場摩迪歷領軍比起他在皇家馬德里表現更好，但巴西兩位最貴的世界級中堅提亞高施華及大衛雷斯就難得清閒，反而整隊愈迫愈前，前鋒費特更搏得一球12碼，尼馬再入一球又幫巴西反先。今屆的世界盃足球是否「出奇地飄，出奇地彈，出奇地輕」，大家還有63場機會研究一下。

巴西要讚的一位，筆者認為是教練史高拉利，他換人夠果斷，下半場短短5分鐘換走表現平平的荷西保連奴及侯克，換入靴蘭尼斯及巴納特盡見功架，對手的「少帥」教練尼高高華仍要向「大飛」多多學習。