堅尼：同費Sir再冇偈傾！

chan200308

英國《每日郵報》報道，曼聯前隊長堅尼認為已跟紅魔前領隊費格遜「冇偈傾」，自己亦不會加入曼聯的教練團。

近期盛傳曼聯來季新領隊大熱雲高爾，有意邀請堅尼（Roy Keane）出任其副手，但據悉當年一手革退堅尼的費Sir（Sir Alex Ferguson）並不希望該名紅魔一代名將重返曼聯任職。堅尼與費Sir的關係到底如何水火不容？堅尼透過愛爾蘭電台《FM今天》表示：「會否再與費Sir談話？我不肯定，但已不大可能！」

至於以教練團成員身分回歸曼聯，堅尼的回答亦頗為堅定：「人們鍥而不捨地問我有關其他工作的問題，但我已有工作在身，並對此感到十分滿意。我不喜歡（曼聯前領隊）莫耶斯受到的對待，但其他球會的事情都已經與我無關。」在英國ITV兼職「講波」的堅尼，近期出任愛爾蘭國家隊領隊奧尼爾的助教。