標題:
球壇臥虎藏龍！歌手、明星、政客乜都有！
[打印本頁]
作者:
chan200308
時間:
2014-4-7 19:49
標題:
球壇臥虎藏龍！歌手、明星、政客乜都有！
你不能不承認老外確是多才多藝，無見一陣子可能來個180度轉變，郵差變消防員；老師變飛車手。而一眾球員亦一樣，除了足球之外，他們很多都有「第二生命」。
為何無啦啦提起足球員第二生命？無他，因為摩納哥瀟灑哥貝碧托夫（Dimitar Berbatov）唔單止在球場上瀟灑，他最近更表示自己掛靴之後想轉行做明星繼續瀟灑落去！佢真係好鬼有型，all back頭、型仔西裝，隨時係摩納哥型男（不過佢嘅型薄荷糖唔識欣賞…）真係有哂硬件去拍戲！不過，見佢喺球場上hea多過跑，又好似唔多識插水，睇嚟演技麻麻，呢部分嘅軟件仲要加強一下！
不過數第二生命，細哨朗拿甸奴（Ronaldinho）就真係令人喜出望外，原來佢嘅特別技能竟然係唱歌！佢仲係唱作人，唱之餘仲要做埋作曲填詞，幾個月前才剛剛與歌手朋友Edcity合唱一首講巴西足球文化的歌，如果我在巴西足總有職位，一定請佢為巴西世界盃開幕禮獻唱一曲喇！細哨掛靴，唔一定要在足球世界繼續打滾，隨時可以出cd、上《我是歌手》鬥下！
講遠少少，法國當年的大國腳杜林（Lilian Thuram）防守有一套，把口都有一套，因為伶牙利齒的關係，出席不少公眾場合都會演講一下，而他致力於反種族歧視工作亦令人津津樂道。薄荷糖甚至有諗過，如果杜林從政都係一條出路！而曼聯的朗尼早期更加是打拳出身，受過正統的拳擊訓練，唔用腳搵食咪用拳頭囉！不過老老實實，如果大衛雷斯要學瀟灑哥去拍戲，薄荷糖就建議唔好喇，忍笑都忍唔到，點做主角？
歡迎光臨 小花俠論壇 (http://disanna.com./)
Powered by Discuz! 7.2
