【明報專訊】人民力量黃毓民（圖左）之前因為冇讀晒立法會誓辭而被判宣誓無效，為保議席，佢噚日獲批准宣誓多一次。毓民讀誓辭讀到「擁護中華人民共和國」時，以極輕聲讀個「人」字，讀「民」同「國」字就特別大聲，唔通暗示自己擁護「中華民國」？佢最後再加多句「打倒港共政權」，呢個表達方式就惹來建制派嘅謝偉俊不滿。