火海天使救鄰居命危

「火海天使」冒險救鄰居！前晚油麻地髮型屋大火中，八成皮膚燒傷的六十四歲男傷者終延至昨晚不治，其餘兩名女傷者情況仍危殆，其中十八歲專業教育學院女生被披露出她英勇救人的偉大行為。據悉，在火警發生時，她為救鄰居性命，冒險跑上跑落拍門叫住戶疏散，其後因照顧一對夫婦逃生，結果三人在髮型屋外遇大爆炸，同遭火球燒傷身體，三人負傷跑上天台才獲救。女生四肢和左面頰被嚴重燒傷，其母親昨講述愛女傷勢時泣不成聲，哭訴：「早知會咁唔叫佢走！」

現場是白加士街一○七號唐樓，樓高六層，屬一梯一伙，二樓出租作髮型屋，三至六樓屬住宅，分別住有姓吳、姓鄧、姓陳及姓何家庭。命危少女鄧岢娭，與父母同住四樓，她在土瓜灣基道中學畢業後，在柴灣專業教育學院讀會計，現為二年級學生。鄧父遠赴北京做廚師，母親晚上在廟街開檔做小販。

拍門叫疏散摸黑落樓

鄧母透露，女兒為人乖巧，痛錫父母兼有愛心，熱心幫助街坊，事發時她獨留家中溫習，準備應付下周考試。燒傷夫婦姓吳（六十四歲）及姓陳（五十八歲），吳伯為藥房掌櫃，妻子為家庭主婦，兒子任職救護員，起火時吳妻正在廚房煮晚飯。

前晚近十時，二樓髮型屋疑冷風機短路起火，火勢一發不可收拾，濃煙透過門罅冒出沿樓梯攻向樓上，街坊發現報警。鄧母聞訊即致電叫女兒逃生，更放下生意跑回家。與此同時，鄧女好心先跑上五樓通知陳婆婆疏散，惟陳婆婆不肯離家，鄧女於是跑到三樓，通知吳氏夫婦，並與他們摸黑落樓。

豈料，三人走到二樓時，髮型屋突然發生猛烈爆炸，火球從門口噴出，牽頭而行的吳首當其衝，全身八成皮膚被火燄燒傷，鄧女則四肢和左面頰被嚴重燒傷，吳妻亦手腳受傷。三人見前無去路，互相扶持，負傷沿樓梯逃上天台呼救。消防員趕至開喉灌救，又派煙帽隊登樓協助居民疏散，發現三人後將他們帶落樓，交由救護員進行包紮。消防員花近一小時將火撲滅，髮型屋已付之一炬。

男住客延至昨晚不治

鄧母返抵家，即見女兒不斷大叫：「好痛呀，好痛呀，媽咪！我好頸渴，好頸渴！」她被送往伊利沙伯醫院留醫後一直未醒，恐防被細菌感染和出現低溫症。吳送院時也不斷呼痛，送院搶救後因八成皮膚燒傷不省人事，延至晚上八時五十三分不治，吳妻則轉往沙田威爾斯醫院燒傷部留醫。

鄧母表示，出事時一直打女兒手機，可惜未能聯絡上，事後始知其手機已在二樓被烈火燒熔。鄧母：「知道有火警時我打電話畀個女，話畀佢聽，你好走啦！嗰陣時真係太亂，我應該叫佢留喺屋企會更好。佢話走啦，走啦，同吳太佢哋一齊走。之後再打電話畀佢，搵個女都搵唔到。」

她講及女兒傷勢時哭成淚人，嘆謂：「醫生都話未穩定、未穩定！佢得十八歲咋，啲手全部包實晒……早知會咁唔叫佢走！」